اكل صحي

أضرار الدقيق الأبيض

الدقيق الأبيض هو الدقيق الذي تم تنخيله وازالة القشرة الخارجية للقمح فيه أي النخالة,ونخالة القمح تحتوي على كمية كبيرة من الفيتامينات والمعادن والألياف المفيدة للصحة,ومن أضرار الدقيق الأبيض انه يؤدي لسوء الهضم والإمساك وداء السكري و السمنة المفرطة,لذلك يفضل التقليل من تناول الاطعمة المحضرة من الدقيق الأبيض واستبداله … بالدقيق كامل الحبة
  • اعرف ليه بنوقف الدقيق الأبيض في أغلب الأنظمة الغذائية الصحية وبنبدله بدقيق كامل الحبة ؟

ممكن نختصر الأسباب لسببين أساسيين :

1- لان الدقيق كامل الحبة أعلى بكتير في القيمة الغذائية .. وبيعتبر غني بڤيتامين B12, B6, E .. والمغنسيوم والزنك والألياف اللي بتساعد جدًا في تسهيل عملية الهضم ..
أما الدقيق الأبيض خلال عملية تنقيته بيقفد تقريبًا كل العناصر دي .. مع محتواه من الجلوتين .. فعملية الهضم كمان بتكون أصعب ..

2- إن الدقيق الأبيض أثناء مراحل تنعيمه وتبيضه بيضاف ليه مواد كيماوية إتمنع استخدامها في بعض الدول لأثرها السئ على الصحة على المدى الطويل زي برومات البوتاسيوم وثاني أكسيد الكلوريد ومواد بتخفي علامات العفن والفطريات وبتساعد على ليونة المخبوزات وظاهريًا بتحسن من شكلها ..

🔹  هل الدقيق كامل الحبة بيقلل الوزن ؟

1- الدقيق الأبيض والدقيق كامل الحبة تقريبًا فيهم نفس  السعرات .. لكن وجود الألياف في الدقيق كامل الحبة بيساعد في الشعور بالشبع .. وبيقلل من سرعة امتصاص الجهاز الهضمي للأكل ..

2- وللسبب دا كمان الدقيق كامل الحبة فعال في السيطرة على رفع مستوى السكر في الدم بسبب كامل مكوناته اللي بترفع مستوى السكر بشكل بطئ في الجسم .. وبتحرر نسبة أقل من الانسولين .. وبالتالي هو الأنسب لمرض السكري ..

3- غير إن تفاعل أكسيد الكلوريد مع الدقيق بينتج عنها مادة الألوكسان اللي بتأثر على خلايا بالبنكرياس مسئولة عن إفراز هرمون الأنسولين.. ودا وارد يؤدي إلى مرض السكر ..

💀 وعشان كدا الدقيق الأبيض بيعبر من السموم البيضاء ..

💠 في كل الحالات مهم جدًا تقنين الكميات اللي بناخدها من الدقيق حتى لو حبة كاملة في اليوم الواحد باعتباره من مصادر الكربوهيدرات .. واللي الإسراف فيها ممكن يوصل لنتايج عكسية وتتحول لدهون متراكمة في الجسم..

💠 واللي مش هيقدر يوقف الدقيق الأبيض مرة واحدة ممكن يحاول يقلل استهلاكه لمنتجات الدقيق الأبيض ويدخل منتجات بحبوب كاملة ويدخل كمان مصادر مختلفة للكربوهيدرات في أكله .. حسب احتياج جسمه .. وحسب نشاطه .
🔹البدايل أكتر من إننا نحصرها في الدقيق كامل الحبة .. وهنعرضها في وقت تاني بإذن الله .
لكن بالنسبة للي بيسأل نجيب منين الدقيق كامل الحبة .. ف أشهر الأنواع الموجودة في السوبر ماركت هو سنبلة الفرات ..

 

دقيق كامل الحبة

منتجات تحتوي علي الدقيق الأبيض:

  •  الخبز الأبيض
  • المكرونة
  • البسكويت
  • الكيك
  • الكعك بأنواعه
  • الرقائق والمقرمشات
  • البيتزا
  • الفطائر
  • هذه المنتجات وغيرها لا تحتوي فقط على الدقيق الأبيض المضر بالصحة، لكنها تحتوي أيضًا على زيوت غير صحية وسكر أبيض ونكهات صناعية ومواد حافظة، لذلك من الأفضل تجنبها تمامًا، أو صنعها في المنزل بمواد طبيعية أفضل.
أضرار الدقيق الأبيض

الوسوم
زر الذهاب إلى الأعلى
إغلاق
إغلاق