الدجاج المشوي من الذ الاكلات التي يفضلها الكبير والصغير ..ولعمل افضل دجاج مشوي في المنزل يفضل اتباع الطريقة التالية :
مقادير عمل الفراخ المشوية :
فرخة كيلو و 300 جرام مقطعة اربعة
التتبيلة :
- بصلة كبيرة مفرومة
- حبة طماطم
- 2 فص ثوم
- عصير ليمونة
- معلقة كبيرة زيت
- معلقة كبيرة خل
- معلقة صغيرة ونصف ملح
- معلقة صغيرة بهارات فراخ مشوية
- معلقة صغيرة بابريكا
- معلقة صغيرة فلفل اسود
- معلقة صغيرة كزبرة جافة
- نص معلقة صغيرة كمون
- علبة زبادي
- نص معلقة صغيرة سكر
- نص معلقة صغيرة كركم
طريقة تحضير الفراخ المشوية:
1- في الكبة اضيف كل مكونات التتبيلة اخلطهم كويس اوي مع بعض.
2- اتبل بيها الفرخة كويس واسبها يوم كامل في التتبيلة .
3- بعد متبلتها ليلة احضر الشبكة بتاعة الشوي واحط الفرخة واقفل عليها واحطها علي شبكة الفرن واحط تحتها صنية كبيرة فيها ماية ويكون الفرن شغال من تحت ع درجة متوسطة وكل شوية نقلب الشبكة بعد ساعة تقريبا هتكون استوت .
4- بعدها هنشغل الشواية تاخد اللون الاخير بتاع الشوي .
5- اولع فحمة ع النار واحطها في حاجة الومونيوم وانزل عليها بشوية زيت وادخل الفحمة الفرن مع الفرخة.
6- نخرجها من الفرن ونرش عليها بقدونس فريش ونقدمها مع الرز البسمتي وسلطة الطحينة.
سر نجاح الفراخ المشوية:
- الفرخة حجمها يكون معقول يعني ميزدش ابدا عن كيلو ونص.
- كل مالفراخ تعد في التتبيلة بيكون طعمها حلو وطرية زي المطاعم.
السعرات الحرارية في الفراخ المشوية:
نصف فرخة مشوية بالجلد :300 سعر حراري.
وصفات متشابهة:طريقة عمل الشيش طاوق الفراخ.
