يقدم الأرز البسمتي مع المشاوي …..خاصة الفراخ والكفتة ولاتخلو اي عزومة منه اليكي افضل طريقة واسهل مكونات من المطبخ
مقادير عمل الأرز البسمتي الأصفر:
- 3 كوب رز بسمتي
- نص معلقة ص بودرة زعفران صفرا (بجبها من عند العطار)
- بصلة مفرومة
- جزرة مبشورة
- معلقة صغيرة كركم
- ملح
- معلقة كبيرة زبدة او سمنة
- 6 كوب شوربة
- فلفل اسود
- فصين حبهان
- عود قرفة و 2 حبة قرنفل
- مكعب مرقة
طريقة عمل الأرز بالكارى والخضار.
طريقة تحضير الأرز البسمتي الأصفر:
- اول حاجة غسيل الأرز جيدا ونقعة نص ساعة.
- في حلة علي النار نحط الزبدة او السمنة لحد ماتسخن وبعدين ننزل بالبصلة المفرومة ندبلها .
- وبعدين ننزل بالحبهان والقرفة والكركم والقرنفل والفلفل الاسود ومكعب المرقة يتشوحوا مع البصلة.
- بعدين ننزل بالجزر المبشور ونشوحهم مع بعض ع نار متوسطة.
- ننزل بالرز البسمتي المنقوع والمتصفي ونقلب كلة في بعضة ونحط الشوربة .
- نضبط الملح ونحط بودرة الزعفران (بتديلة لون حلو اووى زي المطاعم بالضبط).
- اول مايغلي الرز نهدي النار ونسيبة يستوي براحتة خالص.
- ويقدم بالف هنا مع الفراخ المشوية وسلطة الطحينة.
وصفات متشابهة:طريقة عمل الرز الصيادية.
