مقادير عمل كب كيك الشوفان الصحي:
- 2 بيضة
- كيس فانيليا
- نصف كوب لبن
- ربع كوب زيت نباتي او زيت جوز هند
- كوب من دقيق الشوفان الناعم
- معلقة كبيرة قرفة
- معلقة كبيرة بيكنج بودر
- 2 معلقة كبيرة سكر عادي او سكر دايت
- مكسرات لوز او بندق او سوداني وشوكلاتة شيبس حسب الرغبة
- نص كوب تمر (قطع صغيرة)
- ذره ملح
تعرف ايضا علي: فوايد الشوفان.
طريقة تحضير كب كيك الشوفان الصحي:
- في بولة او طبق هنضيف البيض ويكون بدرجه حرارة الغرفة ونضربهم كويس بالمضرب اليدوي.
- بعدها نضيف الفانيليا واللبن ونضربهم كويس وبعدين الزيت ونضرب .
- بعد هنضيف القرفه والتمر والبيكنج بودر والسكر وذرة الملح علي دقيق الشوفان ونقلبهم (ممكن نستخدم سكر دايت).
- هنضيف دقيق الشوفان علي الخليط السايل ونقلب .
- نجيب قوالب الكب كيك ونحط ورق الكب كيك فيها ونحط الخيط براحة لحد نصها بس عشان ميخرجش بره الورق.
- ونرش علي الوجه اللوز المجروش والشوكلاتة الشيبس او اي مكسرات اخرى حسب الرغبة.
- نحطة في الفرن ويكون سخن علي حرارة 180 من 15 ل 20 دقيقة.
- ويقدم بالف هنا .
سر نجاح كب كيك الشوفان الصحي :
1- المكونات تكون بحرارة الغرفة يتم خروج المكونات من الثلاجة قبلها بساعتين.
3- عند وضع المكونات السائلة على دقيق الشوفان يتم التقليب من تحت لفوق حتي تكون هشة.
4- عدم فتح الفرن على الكيك الا بعد مرور 10 دقائق عليها حتي لاتهبط.
5- ان لم يكن متوفر دقيق الشوفان يمكن عملة في المنزل وهو طحنة في مطحنة التوابل.
فوائد كب كيك الشوفان للرجيم والوزن :
- اول فوائد كب كيك الشوفان واكثرها اهمية هي الحفاظ على الوزن ، حيث تم نشر دراسة بحثية في عام 2009 تؤكد ان الشوفان يقلل من الشهية عن طريق زيادة هرمون في الجسم يقلل من الاحساس بالجوع .
