مقادير عمل الكريب :
- 2 كوب دقيق
- 2 معالق لبن بودرة
- معلقه صغيرة سكر
- معلقة صغيرة ملح
- معلقة كبيرة زبده سايحة
- 2 كوب من الماء ( نفس معيار كوب الدقيق)
طريقة تحضير الكريب :
- في بوله غويطة هنحط الدقيق بعد نخلة ونحط اللبن البودرة والملح والسكر ونقلبهم.
- هنزل بالمايه ونعجنهم كويس بالمضرب اليدوي عشان اي تكتلات.
- وعشان نتاكد انة تمام مفيش اي تكتلات بعدين مانضربه بالمضرب ونصفية بالمصفة.
- ونسيب العجينة ترتاح نص ساعة في التلاجة.
- نجهز بقا الاستربس بتاعنا .
- طريقة عمل استربس الدجاج المقرمش.
- او اي حشو تحبية عندك موجود.
- هنطلع بقا العجينة من التلاجة.
- ونحضر اكبر طاسة موجودة ونمسحها بزيت ونسبها تسخن وننزل بمغرفة من العجينه يعني نص كوب .
- ونوزع العجينة في الطاسة بتحركيها ونسيب العجينه لحد مالاحراف تترفع لوحدها نبدا نقلبه علي الوش التاني.
- نحضر بقا الكريب في الطاسة هنهدي النار وهنحط رغيف ونطبقة نصين ونحط الحشو الموجود في النص انا هنا حطيت موتزريلا وبعدين فلفل اخضر وزتون مخلي وبعدين قطع ستربس المقلية وقطع طماطم صغيرة من غير الماية بتاعتها وكاتشب ومايونيز .
- وبعدين نطبقة ونقلبة علي الطاسة عشان يقرمش من كل الجهات .
- كميه الدقيق عملت كمية كبيرة من السندوتشات.
- ويقدم بالف هنا مع سلطة الكول سلو والبطاطس المقلية.
قد تعجبك ايضا:طريقة عمل سندوتشات الشاورما بالفراخ
