مقادير عمل كفتة الحاتي:
- نص كيلو لحمة مفرومة
- بصلة متوسطة مبشورة ومتصفية
- ماية البصل المفروم
- حزمة بقدونس مفرومة
- معلقة صغيرة ملح
- نص معلقة صغيرة فلفل اسود
- نص معلقة صغيرة بابريكا
- رشة من بهارات اللحمة او معلقتين كبار من توابل ماجي للكفتة
- نص رغيف عيش بلدي متقطع
طريقة عمل الكفتة المشوية في الفرن.
طريقة تحضير كفتة الحاتي:
- اول حاجه هنبشر البصل ناعم ونصفية من الماية ونركنة علي جنب .
- هنقطع نص رغيف العيش ونحط علية ماية البصل ومعلقتين مايه كمان وندوس علية بالشوكة لحد مايبوش خالص ونصفية من اي ماية (ممكن جدا نستغي عن الخطوه دي لو الكفته بتمسك معاكي كويس انما لو بتبقي طريه ومبتمسكش علي العيدان او اسياخ الشوي اعمليها )
- طبق كبير ونحط فية اللحمة المفرومة ونحط البصل ونص رغيف العيش البايش ومتصفي والبقدونس المتقطع صغير ونقلبهم كويس .
- وبعدين نحط بقا التوابل بتاعنا الملح والبابريكا والفلفل الاسود وبهارات اللحمة ونعجهم كويس بايدينا .
- ونسيبها في التلاجة نص ساعة عشان المكونات كلها تتجانس وتمسك .
- نجهز العيدان الخشب بتاعتنا او الاسياخ الحديد ونصبع اللحمة كلها.
- انا جبت شبكة عندي ورصيت عليها الكفتة وحطيت تحت الشبكة صنية ولفتها بالفويل عشان متتحرقش ودخلتها علي الفرن علي 200 درجه ربع ساعه وبعدين قلبتها علي الناحية التانية وولعت فحمة وحطتها في طبق وعلية معلقة زيت ودخلت الطبق الفرن مع الكفتة.
- طريقة اخري للتسوية ممكن نشويها علي الفحم.
- طريقة اخري للتسوية نرص الكفتة في صنية وندخلها الفرن.
- نقطع بقدونس وبصل حلقات ونحط عليهم رشة سماق (نوع من انواع التوابل من العطار حلو اوي للسلطات)ونجهزهم في طبق التقديم.
- نخرج الكفتة من الفرن ونحطها في طبق التقديم فوق البصل والبقدونس.
- تقدم بالف هنا مع سلطة الطحينة والعيش البلدي.
قد تعجبك ايضا:طريقة عمل كفتة داوود باشا.
سر نجاح كفتة الحاتي :
- نضع خليط اللحم بعد عجنة في الثلاجة نص ساعة لكي يكون متماسك أثناء التشكيل.
- وضع فحمة بعد اشعالها مع الكفتة في فويل بعد شوي الكفتة ،ونتركها لفترة حتى تأخذ الكفتة رائحة الشواء.
- وضع 50 جرام من الدهن المفروم مع اللحم لكي تعطي مزاق جميل وجعل الكفتة طرية مثل المطاعم.
