أطباق رئيسيه

طريقة عمل المسقعة باللحمة المفرومة

وصفة المسقة باللحمة المفرومة

المسقعة او المصقعة : من الاكلات المصرية المشهورة والتي تؤكل في الافطار والغداء ويمكن طبخها بعده صور باللحمة المفرومة او لا حسب الرغبة وتتكون من البطاطس والباذنجان الرومي والفلفل الاخضر والشطة تعرف علي الطريقة بالتفصيل من المطبخ.

مقادير المسقعة باللحمة المفرومة:

  • ربع كيلو لحمة مفرومة
  • بصلايه كبيرة مفرومة
  • خمس فصوص توم مفروم
  • نص كيلو باذنجان
  • بطاطساية كبيرة
  • خمس وحدات فلفل رومي وفلفل شطة اخضر
  • عصير طماطم
  • ملح
  • فلفل اسود
  • كمون
  • كسبرة ناشفة
  • رشة حبهان مطحون
  • زيت

وصفات متشابهة: طريقة عمل المقلوبة السورية باللحمة المفرومة.

طريقة تحضير المسقعة باللحمة المفرومة:

  1. اول نقطع البتنجان دواير ونحطة في مصفي ونرش علية ملح عشان ينزل الماية كلها اللي فية وميشربش زيت كتير ونركة شويه.
  2. نروح بقا نحضر اللحمة المفرومة في طاسة عليي النار تسخن شوية ونحط معلقة كبيرة زيت ونحط اللحمة المفرومة ونقلبها وتتشوح كدة وبعدين ننزل بالبصلة ونقلبهم كويس ونحط الملح والفلفل الاسود ورشة حبهان مطحون ويتشوحوا كويس ونحط التوم المفروم ونقلبة معاهم .
  3. بعد كدة ننزل بعصير الطماطم ونقلب كلة في بعضة ونسيب اللحمة والطماطم يتعصجوا مع بعض.
  4. نروح بقا للبتنجان ونغسلة كويس من الملح ، والبطاطس نقشرها ونقطعها صوابع .
  5. نجيب طاسة فيها زيت للقلي ونسيب الزيت يسخن وننزل بالبطاطس نحمرها ونطلعها علي مناديل ونرش عليها رشه ملح بسيطة ورشة كسبرة.
  6. وبعدين نقلي البتنجان ونصفيه من الزيت كويس ونقطع الفلفل الرومي نصين ونقلية ونقلي الفلفل الشطة ونطلعهم علي مناديل .
  7. وبعدين طاجن الفخار او الصنية اللي هنعمل فيها ونبدا نرص طبقة من البتنجان وبعدين بطاطس وفلفل وبعدين عليهم شويه من اللحمة المتعصجة بالطماطم .
  8. لو الطاجن او الصنينية صغيرة نعمل طبقتين لو كبيرة يبقي نرص كله مرة واحدة وننزل عليه باللحمة المتعصجة بالطماطم وممكن نحط علي الوش شرايح طماطم او فلفل.
  9. وندخلها الفرن 15 دقيقة من تحت وبعدين نشغل الشوايه تاخد لون .
  10. وبالف هنا تقدم مع الكشري الاصفر  او رز ابيض او بالعيش حسب الرغبة.

طريقة عمل طاجن المكرونة باللحمة المفرومة.

نصائح لعمل المسقعة باللحمة المفرومة صحية:

  •  تصفية الخضروات من الزيت جيداً بعد القلي: سواء الباذنجان أو البطاطس أو الفلفل، لأنها تتشرب الزيت بكميات كبيرة.
  • او صنيه تيفال مدهونة بزيت زتون ورص البتنجان والبطاطس والفلفل ووضعة في الفرن.

قد يعجبك ايضا: طريقة عمل الكوسة باللحمة المفرومة.

الوسوم
شاهد أيضاً
إغلاق
زر الذهاب إلى الأعلى
إغلاق
إغلاق