خلية النحل :من المعجنات السهلة والشهية ويمكن تناولها كوجبة فطار او عشاء ويمكن عملها حادقة او حلوة ولكن سر نجاحها قهو العجينة اعرفي طريقة خلية النحل بالعجينة القطنية الهشة من المطبخ.
مقادير عمل خلية النحل بالجبن:
- 3 كوب من الدقيق.
- معلقة صغيرة خميرة فورية.
- معلقة كبيرة سكر.
- معلقة كبيرة خل.
- 3 معلقة كبيرة زيت ذرة.
- 3 معلقة كبيرة من اللبن البودرة.
- كوب الا ربع ماية دافية.
- رشة ملح.
الحشو:
- جبنة رومي.
- جبنة فيتا.
- جبنة نستو .
- لانشون او بسطرمة.
- الحشو اللي تحبية واللي موجود عندك في البيت.
وصفات متشابهه: طريقة عمل الميني بيتزا.
طريقة تحضير خلية النحل بالجبن:
- اول حاجة هنجيب طبق ونحط فية معلقة الخميرة ومعلقة السكر واللبن البودرة ومعلقة الخل والزيت والماية الدافية ونقلبهم كويس بالشوكة او المضرب اليدوى.
- وبعدين ننزل بالدقيق واحدة واحدة ونقلب ونرش رشة دقيق علي الرخامة ونبدء نعجن كويس اووووي لمدة عشر دقايق ولو احتاجنا ماية نحط بسيط ولو احتاجنا دقيق لحد مالعجينة تظبط والعجينة تمط .
- وبعدين ندهن العجينة زيت بسيط ونغطيها بالاسترتش او فوطة ونسيبها تخمر حوالي 45 دقيقة في مكان دافي.
- وبعدين نجيب العجينة ونقطعها اد عين الجمل وتكون كلها مقاس واحد الكمية دي عملت حوالي 27 كورة وبعدين نريح الكور دي عشر دقايق كدة.
- ونجيب الحشو اللي نحبة واللي موجود عندنا انا حطيت جبنة رومي ولانشون ولا جبنة نستو وجبنة فيتا.
- ونجيب صنية وندهنها زيت وبعدين نجيب الكور ونبدء نحشي بالترتيب واحدة فيها قطعة جبنة فيتا واحدة حتت جبنة رومي وبعدين واحدة فيها جبنة نستو وهكذا ونقفلها كويس ونعملها كورة.
- وبعدين نكمل كل الكور ونغطيها ونسيبها لمدة نص ساعه تخمر في الصنية.
- وبعدين بعد ماتتخمر ندهن وشها باللبن ونرش سمسم وحبة البركة.
- وندخلها فرن سخن علي درجة حرارة 200 من ربع ساعة ل تلت ساعة حسب فرنك اول ماتحمر من تحت نشغل الشواية تحمر من فوق.
- واول ماتخرج من الفرن نرش رشة ماية بسيطة ونغطيها بفوطة لمدة عشر دقايق.
سر نجاح خلية النحل بالجبن:
- نعرف إن قوام العجينة بقى مضبوط لما أضغط عليها بصباعي ألاقيها بترجع تاني بتمط .
- ممكن تضغطي عليها ضغطات كتير بنشابة كبيرة .. دي مقترحات بتسهل العجن .
- نوع الخميرة يكون كويس وتكوني مجرباة.
- التخمير بعد مانحطة في الصنية مهم جدا عشان يطلع هش .
شاهد المزيد: طريقة عمل بيتزا الطاسة في عشر دقايق.
