أطباق رئيسيه
طريقة عمل ستربس الدجاج خطوة بخطوة
طريقة عمل ستربس الدجاج المقرمش الفظيع بااقل تكاليف والطعم يجنن
ستربس الدجاج هي عباره عن شرايح من صدور الدجاج ومتبلة ومتحمرة ،من اطعم الاكلات ومحببة جدا عن الاطفال ويمكن تناولها في عيش او مع مكرونة او ارز ورغم سهولتها الا كثير من الناس يتناولها في المطاعم ، اعرف طريقة عمل ستربس الدجاج المقرمش بتتبيله مميزة وطعم لايقاوم من المطبخ.
مكونات ستربس الدجاج:
- 2 من صدور الدجاج كاملين.
- كوب ونص دقيق.
- معلقة صغيرة مليانة ملح.
- نص معلقة صغيرة فلفل اسود.
- معلقة صغيرة مليانة بصل بودر.
- معلقة صغيرة مليانة توم بودر.
- معلقة صغيرة مليانة كزبرة ناشفة .
- معلقة صغيرة مليانة بابريكا.
- معلقة كبيرة بهارات فراخ.
- 3 معالق كبار خل.
- معلقة كبيرة كاتشاب.
- كوب ونص ماء فاتر.
مقادير تغطية الدجاج:
- كوب ونص دقيق.
- نص كوب نشا.
- معلقة صغيرة ممسوحة ملح.
- معلقة صغيرة من (كركم و كاري و بصل بودر و توم بودر).
- نص معلقة صغيرة بيكنج بودر.
وصفات متشابهه: طريقة عمل الفراخ البانية.
طريقة تحضير ستربس الدجاج:
- هنغسل الصدور الكاملة كويس ونصفيها من اي ماية .
- هنجيب القطاعه اللي هنقطع عليها الصدور ونحطهم عليها ونحط عليهم كيس ونخبط عليهم براحة بالنشابة كذا مرة.
- هنقطع الصدور بالطول وتكون عريضة عشان لو رفيعه هتتحرق مننا وهتبقي مش حلوة خالص.
- في طبق غويط هنجيب التوابل بقا (الملح والبابريكا والفلفل الاسود والكزبرة والبصل والتوم البودر وبهارات الفراخ) ونقلبهم كويس ونحط عليهم كوب ونص دقيق ونقلبهم وبعدين نبدء نحط الماية الفاترة براحة لحد ما القوام يبقي زى قوام الكيكة تقريبا هنحط كوب ونص ماية.
- وبعدين نحط شرايح الدجاج فيها ونحط الخل والكاتشب عليها ونقلبها ونغطيها ونحطها في التلاجة اقل حاجة ساعتين وكل ما الصدور تعد في التتبيله هتبقي تحفة جدا.
- هنحضر بقا علبة او صنيه فيها (كوب ونص دقيق ونص كوب نشا ونص معلقة صغيرة بيكنج بودر) والتوابل بقا (معلقة صغرة ممسوحة ملح و معلقة صغيرة توم بودر وبصل بودر وكاري وكركم).
- نجهز بقا حلة علي النار فيها زيت غزير ونسيبه يسخن .
- نجيب بقا الصدور من التلاجة ونشيلها من التتبيلة نحطها في طبق الدقيق ومنلمسهاش بايدنا نحرك طبق الدقيق لحد ماتعمل طبقة عليها ونشيلها نقلبها براحة لحد ماتكون الطبقة المقرمشة اللي برة وعلي الزيت علي طول .
- هنعمل الكمية كلها ومنقلبش الستربس خالص غير لما الطبقة تتكون كلها في الزيت ونقلبها الناحية التانيه علي نار وسط الرصة بتعد حوالي 12 دقيقه.
- نطلع الستربس من الزيت لما يكون لونة دهبي جميل علي مناديل بقا.
- وبالف هنا هنقدمة مع الكاتشب والبطاطس المقلية والمكرونة بالصلصة الحمرةاو الخبز.
شاهد المزيد : طريقة عمل الفراخ الناجتس.
سر نجاح ستربس الدجاج:
- الصدور لما نقطعها تكون عريضه مش رفيعه.
- كل ما قطع الدجاج تفضل في التتبيله هتبقي تحفة جدا.
- عشان يبقي مقرمقش نطلعه من التتبيله علي الدقيق ونقلبه براحة جدا وعلي الزيت علي طول.
- مينفعش نعمل قطع الدجاج ونشيلها في الفريز لما نيجي نطلعها ونقليها مش هتبقي مقرمشه لان الفكرة كلها في الطبقة اللي بنعملها وبعدين علي الزيت علي طول دا اللي بيعمل القرمشة زى الجاهز.
- ممكن نسيبها في التتبيله ونشليها في الفريز ولما نحب نطلعها نسيبها تفك خالص وبعدين نعملها في الدقيق المتبل والزيت.
