أطباق رئيسيه

طريقة عمل الرز بالخلطة

طريقة عمل الرز بالكبد والقوانص

الأرز بالخلطة  طبعا كلنا عارفين انة من أجمل الأطباق الرئيسية في العزومات هوا الرز بالخلطة مفيش سفرة بتستغني عنة خاصة لو موجود ديك رومي خطير كده جمبه او بط محشي روعة جدا .

مقادرير عمل الرز بالخلطة:

  • بصلة مقطعة
  • ملح
  • فلفل اسود
  • حبهان
  • ورق لورا
  • عود قرفة
  • رشة جوز الطيب
  • 3 معالق زيت
  • كبد وقوانص متقطعة قطع صغيرة

طريقة عمل كبسة الدجاج.

طريقة تحضير الرز بالخلطة:

  1. حلة علي النار فيها زيت يسخن وبعدين نحط البصل ونقلب وبعدين ملح والفلفل والحبهان واللورا ووعود القرفة ونقلب كويس لحد مايدبلوا.
  2. الكبد والقوانص مغسولة كويس ومتقطعة قطع صغيرة ومتصفية كويس.
  3. هنضيف الكبد والقوانص علي البصل ونقلب كويس ونضيف رشة جوز الطيب.
  4. الرز مغسول كويس ومنقوع 10 دقايق ومتصفي .
  5. هنضيف الرز على الكبد والقوانص ونقلبهم كويس .
  6. نيجي بقا للسر بتاع الكرملة والطعم الحلو بتاع رز المطاعم  الماية اللي هنسقي بيها الرز.
  7. حله صغيرة هنحط فيها 3 معالق سكر علي نار هادية لحد مايتكرملوا خالص ويبقى لونهم دهبي غامق.
  8. هنضيف ماية من الكاتل سخنة وبعدين ندوب السكر كويس لحد مالونهم يبقوا دهبي غامق.
  9. وبعدين هنسقي الرز بالمايه المكرملة دي ونغطي الرز ونسيبة على نار هادية.
  10. ممكن نضيف مكسرات او زبيب عليه حسب الرغبة.
  11. ويقدم بالف هنا مع البط المحشي.
رز بالخلطة

قد تعجبك ايضا:طريقة عمل  الحمام الكداب.

الوسوم
زر الذهاب إلى الأعلى
إغلاق