أطباق رئيسيه

فخارة الكباب التركي

مقادير فخارة الكباب التركي:

  • كيلو لحمة مكعبات صغيرة
  • حبهان
  • ورق لورا
  • مستكة
  • ملح
  • فلفل اسود
  • معلقة بهارات لحمة
  • معلقتين  كبار سمنة
  • بصل مكعبات
  • بطاطس مكعبات
  • فلفل الوان مكعبات
  • 4 فصوص ثوم

مقادير العجينة:

  • 3 كوب دقيق عليهم رشة ملح
  • معلقة كبيرة سكر
  • معلقة كبيرة خميرة
  • كوب لبن دافي قابل للاحتياج
  • 2 معلقة كبيرة زيت
  • حبة البركة
  • معلقة سمنة لدهن الوجة

طريقة عمل طاجن اللحمة بالبصل.

طريقة عمل فخارة الكباب التركي:

  1. علي النار في صنية او مقلاة كبيرة معلقة سمنة تسخن وننزل بمكعبات اللحمة .
  2. نحط الحبهان والمستكة والفلفل الاسود ونحط التوم وورق اللورا.
  3. ونقلبهم علي نار متوسطة ونسبها لحد ماتدخل في السوا وتشرب كل الصوص اللي بتنزلة.
  4. وبعدين نجهز العجينة .
  5. في بولة الدقيق وعلية رشة الملح والسكر والخميرة ونقلبهم علي الناشف.
  6. وبعدين نعجن باللبن الدافي ولو احتاجنا ممكن نحط ماية دافية عادي جدا ونعجن كويس لمدة 5 دقايق.
  7. وفي طبق نحط العجينة ونغطييها ونسيبها تخمر نص ساعة .
  8. نروح للحمة بقا ونشوفها ونتاكد انها استوت  ولو لسة مستوتش ننزل بربع كوباية ماية ونشوفها لسه ننزل بربع كوباية تاني  لحد ما نتاكد انها استوت  ونسيبها براحتها خالص علي نار  متوسطة وبعدين نشيل الورق اللورا منها كدة مهمتة انتهت .
  9. نحط بقا البصل ونقلب شوية  وبعدين الفلفل الالوان او الاخضر بس .
  10. ونقلب شوية لحد مايتشوحوا معاها دقايق .
  11. ننزل بمكعبات البطاطس ونشوحهم مع بعض.
  12. ننزل بقا ببهارات اللحمة والملح والفلفل الاسود ونقلبهم كويس .
  13. وننزل بكوباية ماية سخنة ونسبهم مع بعض شوية علي النار يدخلوا شوية في السوا ويكون فيهم صوص.
  14. وبعدين نحطها في الطاجن الفخار بتاعنا الكبير او طواجن صغيرة حسب الرغبة ونحط صوص من اللي نزل منها في الطاجن.
  15. وبعدين نفرد العجينة علي بالنشابة على اد الفخار  وتكون سمك العجينة معقول لا تخينة اوي ولا رفيعة اوي.
  16. وبعدين نغطي الفخار بالعجينة كويس وندوس علي العجينة من الجناب عشان تلزق كويس في الفخار ولو فية اي زيادات من الجناب نقصها.
  17. وبعدين ندهن الوش بالسمنة ونرش حبة البركة عليه من فوق.
  18. على فرن سخن ع درجة حرارة 180 وندخل الطاجن او الطواجن الصغيرة زي مانحب لمدة 25 دقيقة لحد ماتاخد لون دهبي حلو.
  19. وبالف هنا تقدم مع الرز بشعرية وسلطة خضراء.

وصفات متشابهة:طريقة عمل الريش الضاني.

 

فخارة الكباب التركي
فخارة الكباب التركي

 

قد تعجبك ايضا: طريقة عمل كفتة داوود باشا.

الوسوم
زر الذهاب إلى الأعلى
إغلاق