الحلويات

طريقة عمل كب كيك الكنافة بالقشطة

اسهل طريقة وبااقل تكاليف هنعمل احلي كب كيك كنافة بالقشطة لولادك في البيت

الكنافة بالقشطة من الحلويات الشرقية المشهورة جدا في الوطن العربي ، ويكمن عملها بااكثر من طريقة بالقشطة او بالمهلبية او بالفسدق الحلبي او بالمكسرات او بالجبنة العكاوي وتسمي بالكنافة النابلسية ومشهوررة جدا في بلاد الشام ، وفي شهر رمضان الكريم تعتبر من اهم الحلويات التي يتم عملها يوميا ، ورغم سهولتها يصعب عملها عند بعض الاشخاص ، اعرف طريقة عمل الكنافة بالقشطة من المطبخ بكل اسرارها وتفاصيلها.

مقادير كب كيك الكنافة بالقشطة:

  • ربع  كيلو كنافة.
  • 2 معلقة كبار سمنة سايحة (ويفضل تكون بلدي).
  • معلقة كبيرة سكر.
  • ربع معلقة صغيرة لون طعام اصفر او (بودرة الزعفران).
  • كوب كبير مهلبية .
مقادير الكنافة بالقشطة

طريقة عمل الشربات :

  • كوب ونص سكر.
  • كوب ونص ماء.
  • نص ليمونة.
  1. في حلة علي النار هنحط السكر علي الماية ونقلب من النص واول مالسكر يدوب هنعصر الليمونة ونسيبة يغلي لمدة عشر دقايق علي نار هادية  وبعدين نركنة يبرد .
  2. ملحوظة (شربات الكنافة تقيل وبارد).

طريقة عمل البان كيك.

طريقة عمل المهلبية:

  • كوب كبير لبن .
  • معلقة كبيرة نشا.
  • كيس فانيليا.
  1. في حلة نحط اللبن ومعلقة النشا ونقلب كويس بالمضرب اليدوي علي نار متوسطة لحد ماتمسك معانا وتربط ممكن نحط معلقة قشطة لو متاح عليها وبعدين نطفي النار ونحط كيس الفانيليا ونسيبها تبرد .

وصفات متشابهه: طريقة عمل البسبوسة بالقشطة.

طريقة تحضير كب كيك الكنافة بالقشطة :

  1. هنحط الكنافة في الفريزر ساعتين لحد ماتتجمد خالص وبعدين نطلعها ونهريها خالص بايديا لحد ماتتحول لبودره كدة.
  2. بعدها هنحط عليها السكر ونقلب كويس وبعدين هنحط ربع معلقة لون الطعام علي السمنة السايحة ونقلبها كويس وبعدين ننزل بالسمنة علي الكنافة ونقلبهم كويس جدا لحد ما السمنة تدخل كلها في الكنافة .
  3. هنجيب صنية الكب كيك وندهنها سمنة كلها والجوانب كويس .
  4. وبعدين نحط نص الكنافة ونضغط عليها جدا باايدنا ونعمل حروف من الجوانب كلها عشان لما نحط المهلبية متطلعش من الجنب.
  5. بعدها هنحط المهلبية  ونركز في النص  ونحاول نبعد عن الاطراف كده كده في الفرن المهلبية هتتفرد .
  6. وبعدين نحط باقي الكنافة براحة ونضغط بايدنا عليا عشان تكون متساوية .
  7. وندخلها فرن سخن علي حرارة 180 لمدة عشر دقايق حسب الفرن بتاعك برضو وكل شويه بصي علي الجوانب لو احمرت كويس نطفي من تحت ونشغل الشواية عشان تاخد اللون الدهبي الجميل.
  8. واول ماتخرج من الفرن نسقي الشربات التقيل البارد ومنحطش بالحلة  عشان متتخرمش نحط بمغرفة ونحط عليها كلها .
  9. ونقلبها في طبق التقديم علي طول  ونحط مغرفة شربات علي الوش التاني.
  10. وتقدم بالف هنا.

شاهد المزيد: طريقة عمل كيك البرتقال.

 سر نجاح كب كيك الكنافة :

  •  السمنة يفضل تكون بلدى هتديها طعم حلو اوي زى المحلات الكبيرة.
  • اللون الاصفر هيخلي لونها حلو اوي.
  • الفرن يكون سخن عشان تبقي كرسبي.
  • الشربات بتاع الكنافة تقيل وبارد.
  • اول ماتخرج من الفرن نحط الشربات ونقلبها علي طول.

شاهد المزيد من الوصفات: طريقة عمل الكنافة بالقشطة.

الوسوم
زر الذهاب إلى الأعلى
إغلاق