أطباق رئيسيه

طريقة عمل النجرسكو

طريقة عمل المكرونة بالبشاميل بالفراخ اللذيذة جدا

النجرسكو او المكرونة بالبشاميل بالفراخ: اوقات كتير بنمل من الاكل التقليدي وبنحب نغير ونجدد في الاكل وكمان نعمل لولادنا الاكل المفيد بس بطرق مختلفه، انهارده هنعمل  وصفه سهلة اوي ومكوناتها كلها مفيده  لانها بتتكون من مكرونة وفراخ ولبن وخضار ومشروم لو عاوزينة مع المطبخ.

مقادير عمل النجرسكو:

  • نص كيلو مكرونة اسباجيتي
  • نص كيلو بانية او (بواقي فراخ موجودة عندك)
  • بصلة متقطعه جوانح
  • فلفل الوان متقطع جوانح
  • فص توم مهروس
  • زتون مخلي قطع
  • زيت
  • مشروم( لو متوفر)
  • ملح
  • فلفل اسود
  • رشه جوز  الطيب
  • رشه بهارات فراخ
  • جبنة موتزريلا او (اي نوع تحبية)

طريقة عمل الفراخ البانية.

البشاميل:

  • 4 معالق كبار دقيق
  • 2 معلقتين كبار زبدة
  • لتر لبن
  • مكعب مرقة
  • ملح
  • رشة فلفل اسود
  •  نص كوب كريمة طبخ (100 جرام)  لو متوفر عندك

قد تعجبك ايضا: طريقه عمل المكرونة بالبشاميل 

طريقة تحضير النجرسكو:

  1. اول حاجة هنسلق المكرونة حلة علي النار فيها مايه نحط معلقه زيت ورشه ملح ونسبها تغلي وبعدين نحط المكرونة ونقلبها وبعد عشر دقايق نصفيها ونركنها.
  2. هنحضر الفراخ هنجيب نص كيلو بانية نغسلة كويس ونصفية وبعدين نقطعة شرايح زي الشاورما بالضبط.
  3. نجيب طاسة علي النار ونحط فيها معلقتين كبار زيت يسخنوا وبعدين ننزل بالفراخ ونسبها تاخد صدمة وبعدين نقلبها ونحط الملح والفلفل الاسود .
  4. نحط بقا البصل المتقطع جوانح ونقلبهم وبعدين فص التوم وبعدين ننزل بالفلفل الالوان المتقطع جوانح برضو ونقلبهم مع بعض  وبعدين نحط المشروم معاهم ( لو متوفر عندك) ونحط الزتون المخلي ونظبط الملح ونحط رشه من بهارات الفراخ بتدي طعم حلو اوي ورشه من جوز الطيب بسيطة ونركنها علي جنب.
  5. (لو عندك بواقي فراخ في الثلاجة عادي جدا هنفصصها ونحطها مكان البانية بالضبط).
  6. نحضر بقا البشاميل حله علي النار هنحط فيها الزبدة او السمنة  ونسبهم يسيحوا وبعدين ننزل بالدقيق واول مايصفر سنه ننزل باللبن الساقع مهم جدا يكون اللبن ساقع مش سخن عشان ميكلكعش معانا البشاميل.
  7. ونقلب بالمضرب اليدوى في اتجاة واحد ونحط مكعب المرقة ونظبط الملح ورشه الفلفل الاسود ونقلب لحد مالقوام يبقي كريمي ومضبوط  وبعدين نحط كريمة الطبخ (لو متوفرة عندك) وبعدين رشة من جوز الطيب.
  8. صنيه بقا ندهنها زبدة ورشة دقيق وبعدين نحط مغرفة كبيرة بشاميل وننزل بنص المكرونة وبعدين نحط الحشو بتاعنا (الفراخ) ونحط مغرفة بشاميل ورشة موتزريلا .
  9. وبعدين نحط باقي المكرونة ونحط كل البشاميل وبعدين نرش الموتزريلا ولو حابين نحط اي جبن تانيه عادي جدا .
  10. وندخلها فرن سخن علي حرارة 180 درجة لمدة 50 دقيقه حسب الفرن بتاعك وبعدين تحت  الشواية تاخد لون.
  11. وتقدم بالف هنا.

طريقة عمل طاجن المكرونة باللحمة المفرومة.

وصفات متشابهه: طريقة عمل الكوسة بالشاميل.

 

الوسوم
زر الذهاب إلى الأعلى
إغلاق