الحلويات

طريقة عمل اكلير بالكاستر وصوص الشوكولاتة

احلي طريقة اكلير بالكاستر وصوص الشوكلاتة اللذيذ

طريقة عمل اكلير بالكاستر وصوص الشوكولاتة

‏‎مقادير عجينة اكلير بالكستر:

  • ‏‎كوباية دقيق.
  • كوباية مياه.
  •  ربع كوباية زبده.
  • ‎3 بيضات.
  • معلقه صغيره فانيليا سايله او كيس.
  • نص معلقه صغيره ملح.


‏‎مقادير حشوة الكاستر :

  • ‏كوباية لبن.
  • صفار 3 بيضات.
  • رشة ملح.
  •  نص معلقه صغيره فانيليا سايله او كيس.
  •  ربع كوباية سكر.
  •  ‏‎2 معلقه كبيره نشا.

مثادير صوص الشوكولاتة:

  • ‏‎ربع كوباية كريمة خفق.
  • نص كوباية شوكليت شيبس او شوكولاته خام.
  • معلقه صغيره عسل.
  •  معلقه صغيره فانيليا سايله او كيس.

وصفات متشابهه: طريقة عمل كيكة الشاتو.

طريقة التحضير :

‏‎- اول حاجه نجهز الحشوه، نسخن كوب اللبن على النار لحد ما يسخن شويه بس مش هنخليه يغلي.
‏‎- في طبق غويط نخفق صفار البيض مع السكر والنشا والفانيليا ونركنه على جنب.
‏‎- نحط اللبن على الصفار مع التحريك السريع بالمضرب السلك.
‏‎- نحط الخليط على النار ونقلب بس لحد ما الكتل تختفي ويتقل.
‏‎- نرفعه من على النار ونسيبه لحد ما يبرد ولازم نغطيه بنايلون ستريتش او كيس بلاستيك عشان مايعملش قشره ويفضل كريمي.
‏‎- في طبق على النار نحط المياه مع الزبده لحد ما تغلي.
‏‎- ننخل الدقيق ونضيفله الملح وننزل بيه على المياه والزبده مره واحده ونقلب بسرعه بمعلقه خشب لحد ما الدقيق يختفي خالص والعجينه تبقا متماسكه.
‏‎- نرفعها من على النار ونسيبها تبرد حوالي 5 دقايق.
‏‎- نحط بيضه واحده مع معلقة الفانيليا ونخلطهم كويس لحد ما البيضه تختفي.
‏‎- نحط البيضه التانيه ونقلب لحد تختفي والبيضه التالته بنفس الطريقه.
‏‎- نسخن الفرن على 200 درجه.
‏‎- نجهز صينيه كبيره ونفرد فيها ورق زبده
‏‎- نشكل العجينه بايدينا بالطول زي العيش الفينو او نحط العجينه في القمع ونشكلها صوابع طويله ونرصها في الصينيه.
‏‎- ندخل الصينيه الفرن على درجة حراره 200 لمدة 25 : 30 دقيقه وبعد مايستوي ولونه يبقا دهبي نطفي الفرن ونسيبه 5 دقايق والفرن مطفي ومقفول وبعدين نخرجه من الفرن ونسيبه يهدا خالص.
‏‎- نفتح صوابع الإكلير بسكينه مشرشره من الجنب زي السندويتش ونحشيها بالكاستر باستخدام القمع.
‏‎- تجهيز صوص الشوكولاته للتزيين: نخلط الكريمه مع العسل والفانيليا ونحطها على النار لحد ما تسخن، نرفعها من على النار وننزل عليها بالشاكلير بالوكليت شيبس او اي نوع شوكولاته تحبوه ونقلب بسرعه لحد ماتدوب خالص.
‏‎- نغطي صوابع الإكلير من فوق بصوص الشوكولاته ولما الصوص ينشف على الاكلير ممكن تسيحوا شوكولاته بيضا على حمام مائي وتعملوا بيها خطوط زي مانتوا شايفين كده وبالهنا والشفا.

الوسوم
زر الذهاب إلى الأعلى
إغلاق