الحلويات

طريقة عمل البسبوسة بالاكياس الجاهزة [بسبوسة الاكياس الجاهزة]

افضل طريقة لعمل البسبوسة بالاكياس الجاهزة

البسبوسة أو الهريسة من  أجمل وأشهر الحلويات الشرقية المشهوره والمحببه ، ورغم سهولتها الا انها مبتضبطش مع ناس كتير زي المحلات وهنا بقا السر .. سر نجاح البسبوسه هو طريقه تحضيرها وتسويتها  وهنعملها بالاكياس الجاهزة…. اعرفي  طريقة عمل البسبوسة بالالكياس الجاهزة  في المنزل  بالخطوات والصور من المطبخ.

مقادير عمل البسبوسة:

  • كيس بسبوسة جاهز (حجمة تقريبا 380 جرام).
  • 2 معلقة كبيرة لبن بودرة.
  • 3 معالق كبار سمنة سايحة ودافية.
  • معلقة كبيرة عسل نحل او شربات تقيل (بتاع الكنافه وبلح الشام).
  • كوب الاربع لبن دافي.
  • نص معلقة صغيرة بيكنج بودر.

شاهد المزيد:طريقة عمل البسبوسة بالقشطة.

مقادير شربات البسبوسة:

  • كوب وربع ماء.
  • كوب وربع سكر أبيض.
  • عصير ليمونة.

تحضر الشربات التقيل:

  • نص كوب سكر علية ربع كوب ماء في حلة وهنحطهم علي النار بدون تقليب واول مايغلوا نوطي النار ونسبهم لمده خمس دقايق وكدة يبقي جاهز معانا  .

طريقة عمل البسبوسة بالسميد السايب.

طريقة عمل البسبوسة:

  1. اول خطوة هنجيب طاسة غير لاصقة ونحط فيها اللبن البودرة وعلي نار هادية هنحمصة لحد ما لونة يبقي داهبي ونركنة علي جنب ( الخطوة مهمة جدا هتخلي لون البسبوسة من جوة زي الجاهزة بالضبط ).
  2. في بوله او طبق نحط فيه كيس البسبوسة وعليه اللبن البودرة وعليه نص معلقه البيكنج بودر(فايدة البيكنج بودر ايه انها متكنش مكتومة ) ونقلبهم في بعض.
  3. هنجيب السمنة ونسيحها علي النار ويدوب تدفي ونحط عليها معلقة العسل او الشربات التقيل ونقلبهم كويس.
  4. وبعدين ننزل بالسمنة السايحة علي السميد ونبس الخليط كويس جدا لحد ما السمنة تدخل في السميد كلة خطوة مهمة نبسهم كويس لمدة 3 دقايق.
  5. وبعدين ننزل باللبن الدافي علي السميد ونقلبهم بس يا دوب بنلمهم علي بعض الخطوة دي متخدش معانا دقيقة .
  6. نجيب صنية مقاس 28 او 30 وندهنها سمنة وننزل بالخليط براحة  ونبل ايدنا ماية ونفردة ونخبطها علي الرخامة كام خبطة وندخلها فرن سخن علي حرارة 200 لمدة 25 دقيقة حسب فرنك لحد ماتحمر الجوانب وبعدين نشغل الشوايه تاخد لون.
  7. واول ما تخرج نحط عليها الشربات السخن.
  8. ونسيبها تهدي  ونقدمها وممكن نحط علي وشها قشطة ومكسرات.

 وصفات متشابهه: طريقة عمل الكنافة بالقشطة.

الوسوم
زر الذهاب إلى الأعلى
إغلاق