الحلويات

طريقة عمل البسبوسة بالخطوات والصور

اسهل طريقة لعمل البسبوسه المرملة زي محل الحلويات وسر نجاح البسبوسة

البسبوسة أو الهريسة من  أجمل وأشهر الحلويات الشرقية المشهوره والمحببه ، ورغم سهولتها الا انها مبتضبطش مع ناس كتير زي المحلات وهنا بقا السر .. سر نجاح البسبوسه هو طريقه تحضيرها وتسويتها …. اعرفي  طريقتها في المنزل كالجاهزة   بالخطوات والصور من المطبخ.

مقادير البسبوسة:

  • نص كيلو  دقيق سميد ناعم  (يكون نوع كويس هيفرق جدا).
  • كوب الا ربع سمنة سايحة .
  • كوب لبن كامل الدسم .
  •  كوب الا ربع سكر أبيض.
  • نص كوب شربات ثقيل (شربات بلح الشام والقطايف) او عسل الجلكوز.
  • معلقتين كبار جوز هند.

طريقة عمل كيك الزبيب.

مقادير شربات البسبوسة:

  • كوب وربع ماء
  • كوب وربع سكر أبيض
  • عصير ليمونة

تحضر الشربات التقيل:

  • نص كوب سكر علية ربع كوب ماء في حلة وهنحطهم علي النار بدون تقليب واول مايغلوا نوطي النار ونسبهم لمده خمس دقايق وكدة يبقي جاهز معانا ونسيبة يبرد شوية .

وصفات متشابهه:طريقة عمل البسبوسة بالقشطة.

خطوات تحضير البسبوسة:

  1.  نقوم بتحضير الشربات : نحضر حلة نضع فيها  السكر و الماء و عصير الليمون في اناء  ونقلب بالمعلقة في النص ونتركه على النار يغلي غلوتين ونطفي علي طول ونتركه ليبرد (بيكون خفيف وبحرارة الغرفة) حتى ننتهى من تحضير البسبوسة.
  2. في طبق كبير نحط  دقيق السميد ونحط جوز الهند علية ونقلبة وبعدين نسيح السمنة ونحطها علي السميد ونقلب براحة عشان السميد يندمج مع السمنة.
  3. بعدين هنجيب حلة علي نار هادية ونحط فيها السكر والشربات التقيل واللبن ونقلبهم كويس لحد مالسكر يدوب ويكونوا دافيين.
  4. وننزل بيهم علي السميد ونقلب براحة كل المكونات مع بعض ومش كتير .
  5. وندهن الصنيه سمنة كلها ويفضل صنية حلويات وننزل بالخليط براحة ونخبط الصنية علي الرخامة عشان اي هوا يخرج منها وتكون سوا واحد ونبل ايدنا ماية ونساوي الخليط باايدنا .
  6. يمكن اضافة اي نوع من أنواع المكسرات  علي الوش حسب الرغبة .
  7. نشغل الفرن قبل مانحط الصنية علي حرارة 200 عشان يبقي سخن .
  8. نضع الصينية في الفرن على درجة حرارة200 درجة مئوية لمدة 35-40 دقيقة حتى يصبح لونها بنيا ذهبيا من الاطراف ثم تشغيل الشواية لتاخد لون من الوش .
  9. بعد خروجها من الفرن مباشرة  نصب عليها الشراب وهو  بارد بحرارة الغرفة  الذي اعددناه في أول خطوة ولما تتشرب الشربات  ندهن وشها بالسمنه دهنه بسيطه عشان تلمع.
  10. نتركها تبرد وبعدين نقدمها.

سر نجاح البسبوسة :

  • يجب أن يكون دقيق السميد ناعم وبدون اي اضافات ونذوبه بالسمن أو الزبدة يفضل ان تكون بلدي قبل  الاضافة الى باقي المكونات.
  • نوع السميد يكون كويس لان هيفرق جدا.
  • شربات البسبوسة بيكون خفيف وبارد يعني بحرارة الغرفة.
  • نقلل من تقلب السميد لأنه يحتوي على مادة تساعد تجفف البسبوسة والاكثار في تقليبه يجعل البسبوسة صلبة.
  • ندهن الصينية بالسمنة حتى تخرج البسبوسة متماسكة .
  • نسكب الشربات على البسبوسة فور خروجها من الفرن وتركها حتي تتشرب كل الشربات.
  • لا تضع البسبوسة في الثلاجة حتى لا تجف وتصبح صلبة.
  • لو حسينا ان القوام تقيل اوي نزود لبن براحه عشان يكون قوامها مظبوط  لا خفيف وتقيل.

السعرات الحرارية في البسبوسة:

  • القطعة المتوسطة  من البسبوسة تحتوي فقط على 187 سعر حراري .

 

الوسوم
زر الذهاب إلى الأعلى
إغلاق