الحلويات

طريقة عمل البسكوت السادة(بسكوت الشاي)

اسهل طريقة لعمل بسكوت الشاي في عشر دقايق خطوة بخطوة

البسكوت السادة او بسكوت الشاي من المقرمشات الخفيفه علي المعدة ولذيذ الطعم  ،ويمكن  تناوله كوجبة افطار مع الشاي او مع الحليب ويمكن تشكيل  اشكال محببة للاطفال ويمكن وضع الكاكاو في العجينة ويكون بسكوت بالكاكاو ،اليك اليوم افضل طريقة عمل بسكوت الشاي المقرمش بااسهل طريقة والذ طعم من المطبخ.

مقادير عمل البسكوت السادة:

  • كوبيبن الأ ربع دقيق.
  • معلقة صغيرة بيكنج بودر.
  • رشه ملح.
  • نص كوب سكر بودرة.
  • نص كوب زبدة لينة او سمنة (بحرارة الغرفة).
  • معلقة كبيرة زيت.
  • كيس فانيليا.
  • بيضة.
مقادير البسكوت السادة

طريقة تحضير البسكوت السادة:

  1. هنجهز الدقيق وعليه رشه الملح والبيكنج بودر ونقلبهم مع بعض ونركنهم .
  2. في العجان او بالمضرب الكهربائي هنحط البيضه و كيس الفانيليا و السكر البودرة ونضرب 5 دقايق لحد ما لونهم يفتح خالص (ممكن نعمله في الخلاط الكهربائي لو مش متاح مضرب ولا عجان).
  3. بعدين هنحط الزبدة والزيت ونضرب 5 دقايق لحد ما الخليط يبقي كريمي وفاتح.
  4. هنحط بقا الدقيق عليهم ونعجنه باايدنا كويس .
  5. هنلاقي العجينة جميلة وملمسها طري وخفيف اوي.
  6. هنجيب صنية ونحط فيها ورق زبدة عشان ميلزقش فيها وبعدين نبدء نشكل العجينة زي مانجب .
  7. انا جبت صنيه وفرشت فيها كيس وحطيت جزء من العجينة وحطيت الطرف التاني بتاع الكيس وفردت بالنشابة وعملت اشكال نجوم بالقطاعة و عملت اشكال مدورة زي البسكوت الجاهز بالظبط وعملت جزء تاني زي الكحك (عملت كور صغيرة ونقشتها ).
  8. ممكن كمان نعمل كور ونحطها في الصنية ونضغط عليها بالشوكة هيطلع شكل جميل .
  9. علي فرن سخن هنحط البسكوت علي درجة حرارة 180 لمدة 15 دقيقه وبرضو حسب فرنك نقف جانبه عشان مبياخدش وقت خالص .
  10. لما ياخد لون من تحت دهبي حلو نطفي الفرن ونشغل الشواية لحد ما ياخد لون.
  11. ويقدم بالف هنا مع شاي بحليب او شاي.
  12. ممكن نضاعف الكمية براحتنا خالص وعشان نحفظة ويفضل مقرمش هنجيب علبة محكمة ونحط فيها كيس ونرص فيها البسكوت ونغطي العلبة .

وصفات متشابهه: طريقة عمل كب كيك الكنافة.

شاهد المزيد: طريقة عمل البان كيك.

 

 

 

 

 

 

 

 

الوسوم
زر الذهاب إلى الأعلى
إغلاق